دهۆك … دێ 3979 تابلۆیێن هونه‌رى یێن قوتابییان نیشانده‌ت

د چارچۆڤه‌یێ پلانا سالانه‌یێ رێڤه‌به‌ریا چالاكیێن قوتابخانه‌یان دا، سۆباهى دێ پێشانگه‌ها وێنه‌و كارێن ده‌ستى یێن سێ هزار و نه‌هسه‌د و حه‌فتێ و نه‌هـ قوتابیان هێنه‌نماییشكرن.
بێوار ته‌حسین به‌رپرسێ پشكا چالاكیێن قوتابخانه‌یان ل رێڤه‌به‌ریا په‌روه‌ردا قه‌زا دهۆك/ رۆژهه‌لات بۆ وار گۆت: ئه‌ڤ پێشانگه‌هه‌د چارچۆڤه‌یێ پلانا سالانه یا رێڤه‌به‌ریا چالاكیێن قوتابخانه‌یان ئه‌وا سه‌ر ب رێڤه‌به‌ریا گشتى یا په‌روه‌رده‌یا پارێزگه‌ها دهۆكێ هاتییه‌دارێشتن، كو سالانه‌هه‌ر په‌روه‌رده‌یه‌ك پێشانگه‌ها وێنه‌و كارێن ده‌ستى یێن قوتابخانه‌یێن سه‌ر ب رێڤه‌به‌ریا خۆ ڤه‌كه‌ت.
بێوارى زێده‌تر گۆت: ئه‌ڤ پێشانگه‌هه‌دێ سۆباهى ل ده‌مژمێر یازده‌یێ سپێدێ ل هۆلا ئاماده‌ییا شالین یا كچان هێته‌ڤه‌كرن و د پێشانگه‌هێ دا دێ سێ هزار و نه‌هسه‌د و حه‌فتێ و نه‌هـ كارێن هونه‌ری ژ تابلۆ و كارێن ده‌ستى یێن سێ هزار و نه‌هسه‌د و حه‌فتێ قوتابییان ژ نوت و پێنج قوتابخانه‌یێن سه‌ر ب رێڤه‌به‌ریا په‌روه‌رده‌یا قه‌زا دهۆك یا رۆژهه‌لات، به‌رچاڤ كه‌ن

هه‌كه‌ رۆژه‌كێ جگارێ نه‌كێشى

د چارچووڤێ بزاڤێن دەزگەھێ دلی یێ بریتانی بۆ ھاندانا خەلکی بۆ دەستبەردانێ ژ کێشانا جگاران بۆ دەمێ رۆژەکێ ب تنێ، رۆژناما “ئێکسپرێس” یا بریتانی راپۆرتەک بەلاڤکریە و تێدا ھژمارا ناڤنجیا جگارێن ھەر مرۆڤەک دکێشێت شرۆڤەکریە کو تێکرایی دگەھیتە ١٣ جگاران د ئێک رۆژ دا و ٤٧٥٤ جگاران د سالێ دا.
دەزگەھێ ناڤبری بزاڤکرینە کو پشتەڤان بن بۆ دەستبەردانا ژ کێشانا جگاران و مفایێن ھێلانا جگاران بۆ دەمێ ئێک رۆژ دیار کرینە، و ب ڤی رەنگی:
پشتی ٢٠ دەقیقان دل ڤەدگەریت بۆ لێدانا خوە یا سروشتی و فشارا خوینێ نزم دبیت، پشتی دو سەعەتان حەزەکا مەزن بۆ کێشانا جگارێ پەیدا دبیت پشتی ھەستکرنێ ب کێشانا نیکوتینێ و نەئارامی و ھەستکرن ب برسیبوونێ زێدە دبیت، پشتی ھەشت سەعەتان ئوکسیدێ ئێکێ یێ کاربۆنی د خوینێ دا کێم دبیت و رێژا ئۆکسژینی زێدەتر لێدھێت دا بگەھیتە ئاستێ خوەیێ سروشتی، پشتی ٢٤ سەعەتان دەلیڤا تووشبوونا ڤەکوشتنا سینگی کێم دبیت، پشتی ٤٨ سەعەتان ھەستا تامکرنێ و بێھنکرنێ باشتر لێدھێت، پشتی سێ رۆژان نیکوتین ب ئێکجاری ژ لەشی دەردکەڤیت و ھەناسا مرۆڤی ب ساناھی دکەڤیت، پشتی سێ ھەیڤان شیانێن سیھا سۆر ٣٠% بلند دبن و زڤرینا خوینێ باشتر لێدھێت و لڤین بساناھیتر لێدھێت، پشتی نەە ھەیڤان تێھنا لەشی زێدە دبیت و شیانێن لڤینێ ب ھێز دکەڤن و کریارا پاقژکرنا سیھا سۆر ژ نیکوتینێ دەستپێدکەت، د چارچووڤێ سالەکێ دا مەترسیا تووشبوونا تەنگبوونا دەمارێن خوینێ کێم دبن، د دەمێ دو سالان دا و وەکو رێکخراوا ساخلەمیا جیھانی دیار دکەت کو رێژا تووشبوونا جەلتا دلی ڤەدگەریتە ئاستێ سروشتی، د دەمێ پێنج سالان دا مەترسیا مرنێ ب پەنجەشێرا سیھا سۆر و حەفکێ ٥٠% کێم دبیت و ھەروەسا رێژا جەلتێن مێشکی ژی کێم دبیت

نووترین ئاگەهی لسەر نووتریه‌ ئامیرێن گالاکسیێ

کۆمپانیا تەکنۆلۆجی یا بەرنیاس پلانەک هەبوو بۆ دروستکرنا مۆبایلەکا ژیر یا رندتر ژ زنجیرا “گالاکسی” یان، وەسا خوەیا د ئەڤ سالە دا ئارمانجا خوە بجهئینا.
ل یەکشەمبیا بۆری، د پێشانگەها مۆبایلان یا جیهانی دا کو ل بەرشەلۆنا دهێتە گێران، ڤێ کۆمپانیێ دو ئامیرێن نوو ئاشکەراکرن، ئەو ژی “Galaxy S6″ و ” Galaxy S6 Edge” بوون.
دیزاین
کۆمپانیا رابوویە ب پێچانا مۆبایلێ ژ سینگی و پشتێ ڤە ب شووشەیێ “گۆرێلا”یێ، چوارچووڤە ژ ئەلەمنیۆمی دروستکریە، کۆمپانیێ دەست ژ کەڤەرێ پلاستیکی بەردایە کو جهێ رەخنەکا مەزن بوو بۆ کۆمپانیایێ.
دیزاینا نوو نە بدژی ئاڤێ یە وەک د “Galaxy S5″.
دیسا جهێ دەنگدەران ژی هاتیە ڤەگوهاستن ژ سەری بۆ بنێ ئامیری ژ سینگی ڤە، داکو دەنگەکێ زەلالتر و بلندتر بدەن.
رەنگ
چوار رەنگێن ڤی ئامیری هاتینە ئامادەکرن، رەش، سپی، زێرین، پلاتینی و شینێ تۆپازی یێ ئامیرێ “S6″، دیسا رەش، سپی، زێڕین، پلاتینی و کەسکێ زومرودی بۆ ئامیرێ “S6 Edge”.
ئامیرێ S6 Edge خوەدیێ دو شاشەیێن تەنشتێ یە، کۆمپانیا سامسۆنگ بۆ ئامیرێ ” phablet” دروستکربوو لێ د ئامیرێ “Note 4 Edge” دا نەدانابوو.
بیردانگ
ئامیرێن نوو د وەک یێ بەری نها ب بیردانگێن ٣٢، ٦٤ و ١٢٨ گێگابایتبن، دگەل ١٠٠ گێگابایتێن ژ پرۆگرامێ “One Drive” بۆ ماوەیێ سالەکێ.
تایبەتمەندی
ژ تایبەتمەندیێن “Galaxy S6″ دشیان دایە بهێتە پرۆگرامکرن کو ب رەنگێن تایبەت رۆناهیێ بدەت ل دەمێ پەیوەندیکرنا، نە پێدڤیە تو تێلەفۆنێ رابکەی دا بزانی کی تێلەفۆنا تە دکەت، ب تایبەت ژی ئەگەر مۆبایل ل سەر لایێ شاشێ یێ دانای بیت، دیسا ئامیرێ هەستکرنا لڤینێ یێ لایێ پشتێ دشێت بهێتە بکارئینان بۆ بەرسڤدانا پەیوەندیان.
کامیرا
کامیرەا ڤان ئامیران تایبەتمەندیەکا جوان هەیە، ب دوجار لێدانا دوکما سەرەکی یا ئامیری ” Home Botton” دێ ئەپلیکەیشنا کامیرێ ڤەبیت.
کەمیرەیا پشتێ یا ڤان هەردو ئامیران هێزا ١٦ مێگاپێکسلان هەیە، لێ کامیرەیا سینگی ٥ مێگاپێکسل، هەردو کامیرەیان ئمارازێن باش یێن هەستکرن ب رۆناهیێ یێن هەین، کو رێکێ ددەتە گرتنا وێنەیان د ژینگەهەکا کێم رۆناهی دا.

ناڤ بو زاروكان ( ناڤێن كۆران) ليستا (1) پیتا (و

وارڤان ... وارهێل ... وه‌زیر ... وه‌لات ... وارژان ... وار ... وان ... واران ... وارش ... واژاو ... واژه‌ ... واسار ... وردبین ... وردكۆڵ ... ورمێ ... وریا ... وسوو ... وشیار ... وردی ... وه‌تمان ... وه‌خشوور ... وه‌ران ... وه‌رتێ ... 

وه‌ردان ... وه‌رزان ... وه‌رزین ... وه‌رزێر ... وه‌ركۆ ... وه‌زان ... وه‌زڵی ...
وه‌فایی ... وه‌نده‌ن ... وه‌ندی ... وه‌نه‌ن ... وه‌هران ... وه‌یس ...وه‌یسه‌ ... وه‌یلان ... ویره‌ ... 

چه‌كداره‌كێ داعشێ داخاز دكه‌ت مایا دیاب جیهادا نیكاحێ بكه‌ت

چه‌كداره‌كێ داعشێ، برێكا پێگه‌هێ خوه‌یێ تایبه‌ت ل تۆرا جڤاكییا تویته‌رى، دوعا بۆ مایا دیاب هورنه‌رمه‌ندا عه‌ره‌ب دكه‌ت، كو بهێته‌ناڤا داعشێ بۆ جیهادا نیكاحێ.
ئه‌بۆ سه‌لما، ناڤێ وى چه‌كدارێ داعشێ یه‌، كو د دووماهى پۆستێ خوه‌دا ل تۆرا جڤاكییا توینه‌رى نڤێسییه‌: ره‌نگێ جه‌سته‌یێ مایا دیاب یێ جوانه‌، هیڤیداره‌ژخودێ هیدایه‌تێ به‌دتێ و به‌ره‌ڤ رێزێن داعشێ بچیت، جیهادا نیكاحێ بكه‌ته‌خه‌لاتێ وێ.
مایا دیاب سترانبێژه‌كا به‌رنیاسا لوبنانى یه‌، ئه‌بۆ سه‌لما ژى ئه‌و چه‌كدارێ داعشێ یه‌كو زوو زوو په‌یامێن داعشێ ل تۆرێن جڤاكى به‌لاڤدكه‌ت و د دووماهى پۆستدا دوعا دكه‌ت دیاب بچیته‌ناڤا رێزێن داعشێ بۆ جیهادا نیكاحێ

ڤه‌ده‌ری گەفەکە ترسا وێ لسەر ساخلەمییێ پترە ژ گەفێن قەلەوی و جگارەکێشانێ

ئەنجامێن ڤەکۆلینەکا نوو یا کو ڤەکۆلەران ئەنجامدای ل زانکۆیا “بریگام یونگ” دیارکر کو بتنێبوون گەفان ل ژیانا مرۆڤی دکەت ھەروەکی قەلەوی یان ژی جگارەکێشان دشێت ببیتە گەفەک لسەر ساخلەمییا مرۆڤی. ھەر ژ بۆ ڤێ یەکێ ڤەکۆلەران رۆناھی ئێخستە سەر وێ یەکێ کو پێدڤییە گرنگییێ ب پەیوەندییێن جڤاکی بدەین ژبەر وێ کارتێکرنا کو دشێ لسەر باشترکرنا ساخلەمییا مرۆڤی بکەت.
ئەگەر تۆ ژ وان کەسان بی یێن کو حەز ژ بتنێبوونێ دکەن، و ل دووراتییەکا جڤاکیدا دژی ژ کەسێن دەوروبەر، شارەزا و بسپۆرێن ساخلەمی ھوشدارییێ ددەنە تە لدۆر ڤێ یەکێ، دگەل وێ راستییێ کو بتنێبوون ئێک ژ نیشاندەرێن خەمۆکییێ یە و نەخوەشییێن دەروونی یێن دی، لێ ڤەکۆلەران ب گەفەکا نوو ھەژمارد یا کو د مەترسییا خوە دا ژ مەترسییا قەلەوییێ و جگارەکێشانێ بووراند لسەر ساخلەمییا مرۆڤی لدووڤ ڤەکۆلینەکا ئەمریکی یا نوو.
ڤەکۆلینێ پشت بەست ب ھندەک خواندنێن پێشتر یێن کو پتر ژ سێ ملیون کەسان بخۆڤە دگریت و پێزانینێن وان لسەر پەیوەندییێن جڤاکی تێدا د دیارکریبوون و کارتێکرنا وێ و گرێدانا وێ ب نەخوەشییان ڤە.
د ئەنجامدا ڤەکۆلەران دا خۆیاکرن کو بتنێبوون کارتێکرنا وێ لسەر ساخلەمییێ گەلەک خرابترە ژ کارتێکرنا جگارەکێشانێ ب ئاستێ 15 جگارەیان رۆژانە، ھەر دیسان دیاربوو کو بتنێبوون فاکتەرەکە د زێدەکرنا رێژەیا مرنێ د کەسێن ژییێ وان ژ 65 ساڵییێ کێمتر، ھەر دیسان وەکھەڤە دگەل کارتێکرنا قەلەوییێ لسەر ساخلەمییێ.
ھەر دیسان ڤەکۆلینێ دا خۆیاکرن کو بارێن مرنێ یێن گرێدای ب بتنێبوونێ و دوورکەفتنا جڤاکی پتر بەلاڤە دناڤ گەنجان دا ژ کەسێن دانعەمر، ڤەکۆلەرێ ئاماژە ب وێ چەندێ ژی دا کو بتنێبوون نە بتنێ رامانا دوورکەفتنا جڤاکی ددەت، ژبەرکو چێدبیت کەسەک تێکەلییێ ژی بکەت لێ ھەر ھەست ب بتنێبوونێ ژی بکەت.
ل دوماھییێ تیما ڤەکۆلەران ھوشداری دان لدۆر وێ یەکێ کو دەلیڤەیا ھەی بتنێبوون ببیتە ئێشەکا ڤەگر د ساڵێن بھێت دا، گونەھییا ڤێ چەندێ ژی د زڤریننە پێشکەفتنا تەکنەلوژییایێ، ھەرچەندە تەکنەلوژییا گەلەک دەرگەھان بۆ تێکەلییێ ژی ڤەدکەت لێ ڤەکۆلەر ئەڤان رێکان ب پەیوەندییێن جڤاکی یێن سڤک و سەرڤە سەرڤە د ھەژمێرن.

لە دوێنێوە بەشیک لە پەیجەکان بەشێوەیەکی زۆر خێرا لایکەکانیان دادەبەزێت و ژمارەکانیان کەم دەبێتەوە.

هۆکاری ئەو کەمبوونەوەیە ئەوەیە کە چەند رۆژێک پێش ئێستا کۆمپانیای فەیسبووک بە فەرمی یاسایەکی نوێی راگەیاند کە بە گوێرەی یاساکە ئەمە سوودی بۆ خاوەن پەیجەکان هەیە.بەڵام دەبێتە هۆی کەمبوونەوەی لایکەکان.
دوو رۆژە ئەم یاسایە جێبەجێ کراوە، یاساکەش بریتیە لە لابردنی ئەو لایکانەی کە لەسەرەتای لایک کردنی پەیجەکەوە تا ئێستا هیچ بەژداریەکی نەبوە لەگەڵ پەیجەکەت، 
بۆ نمونە : کەسێک لایکی پەیجەکەتی کردوە، بەڵام هیچ کۆمێنتێک یان لایک یان شیر کردنیکی نەبووە بۆ پۆستەکانت و هیچ ئەکتیڤیتیەکی نەبووە لە پەیجەکت، ئەوا راستەوخۆ لایکەکەی رەش دەکرێتەوە و نامینێت.
تا ئێستا بەشێک لە پەیجەکان ئەمەیان لەسەر جێبەجێکراوە و بەردەوامە تا هەموو پەیجەکان دەگرێتەوە.
پەیجی وا هەیە (15000) لایکی لەیەک رۆژدا کەم کردوە و بەردەوامیش لە کەم بوونەوە دایە.
هەرچەندە لە ماوەی رابردوو هەندیک جار بە هۆی نوێکاری لە فەیسبووک ئەم دیاردەیە روویداوە ، بەڵام دواتر لایکەکان زیادی کردەوەتەوە.
بەڵام بە داخەوە بۆ ئەوەی ئێستا بە لایەنی زۆرەوە گەڕانەوەی لایکەکان ئەستەمە و یەکجارەکیە
ئەم هەواڵە لە چەند ماڵپەڕێکی جیهانیش بڵاو کراوەتەوە و دەنگۆیەکی گەورەی دروست کردووە.